დადასტურებულად — ასტონ ვილამ მარკო ასენსიოსა და მარკუს რაშფორდის გამოსყიდვა გადაწყვიტა. უნაი ემერი ორივე ფეხბურთელის თამაშით კმაყოფილია, შესაბამისად, კლუბმა გადაწყვეტილება უკვე მიიღო და ორივე ფეხბურთელი ზაფხულში გუნდის სრულფასოვანი წევრი გახდება.
სეზონის ბოლოს ასტონ ვილა მარკუს რაშფორდის კონტრაქტში ჩაწერილ პუნქტს გააქტიურებს და 27 წლის ფეხბურთელს, მანჩესტერ იუნაიტედიდან €47 მილიონად გამოისყიდის. ხოლო რაც შეეხება მარკო ასენსიოს, იმის მიუხედადავ, რომ ესპანელი ნახევარმცველი ბირმინგემულ კლუბში მშრალი იჯარის წესით თამაშობს, პსჟ-ს უკვე აცნობეს, რომ ფეხბურთელის გამოსყიდვა იგეგმება. ფრანგული კლუბი 29 წლის ფეხბურთელს დაახლოებით €15-20 მილიონად აფასებს.
მას შემდეგ, რაც მარკუს რაშფორდი ასტონ ვილაში გადაბარგდა, ინგლისელ ფორვარდს უკვე 5 საგოლე გადაცემა მოუგროვდა, ხოლო მარკო ასენსიომ უკვე 7 გოლის გატანა მოახერხა.
იტვირთება…
