ლონდონის ჩელსი მთელი ძალებით ცდილობს თავისი თავდამსხმელის, რომელუ ლუკაკუს გაყიდვას. შეგახსენებთ, რომ შემტევი ამჟამად იჯარით რომაში თამაშობს. "ჯალოროსი" არ ჩქარობს ბელგიელი ფორვარდის გამოსყიდვას და ბევრი რამ მის ტრანსფერში ჩემპიონთა ლიგის საგზურზე იქნება დამოკიდებული.
იმ შემთხვევაში, თუ "მგლები" გავლენ ჩემპიონთა ლიგაზე, ბელგიელი თავდამსხმელის გამოსყიდვა კლუბის პრიორიტეტი გახდება, სხვა შემთხვევაში - არა. ამის გარდა, პრობლემას წარმოადგენს "არისტოკრატების" მიერ მოთხოვნილი 60 მილიონი ევრო, რაც "კაპიტოლინისთვის" მისაღები არ არის. იტალიელები 40 მილიონის გადახდაზეც კი იკავებენ თავს.
სანამ ოლიმპიკოზე ფიქრობენ, "ლურჯებმა" თავიანთი თავდამსხმელი საუდის არაბეთის გუნდებს შესთავაზეს. ჯერჯერობით უცნობია, კონკრეტულად რომელი კლუბი გამოეხმაურა სტემფორდელებს. თავად 30 წლის ფორვარდი დანიელე დე როსის გუნდში დარჩენისკენ იხრება, ამის შესახებ მან ღიად განაცხადა.
