ლივერპულის ყოფილმა მცველმა, ჯეიმი კარაგერმა ბოლოდროინდელი მოვლენების გამო მოჰამედ სალაჰი მწვავედ გააკრიტიკა. შეგახსენებთ, რომ ეგვიპტელი ფორვარდი ღიად დაუპირისპირდა არნე სლოტს, მერსისაიდული კლუბის უფროსობამ კი მხარი გუნდის თავკაცს დაუჭირა.
"სალაჰი თვლის, რომ ის ავტობუსის ქვეშ მოაყოლეს? ავტობუსის ქვეშ ის რვა წლის განმავლობაში აგდებდა ლივერპულის მცველებს, რადგან მათ არასდროს ეხმარებოდა. დიახ, მო უდიდესი მოთამაშეა, მაგრამ ვინ იყო მერსისაიდში გადმოსვლამდე? ფეხბურთელი, რომელიც ჩელსიში დაიკარგა.
ეგვიპტის ნაკრები აფრიკაში ყველაზე წარმატებულია, თუმცა თავის ლიდერთან ერთად, ამ ქვეყნის ეროვნულმა გუნდმა ერთი ტიტულიც ვერ მოიგო. სლოტის გადაწყვეტილება? დიახ, ვეთანხმები მას, არ ღირს ისეთი მოთამაშის შემოყვანა, რომელიც უკანახაზს არასდროს ეხმარება."
