ინგლისური პრესა დიდ წმენდაზე ალაპარაკდა — "ქალაქელები" მომდევნო ორ სატრანსფერო ფანჯარაზე, რამდენიმე ფეხბურთელის გაშვებას გეგმავენ. სიაში არც მეტი, არც ნაკლები 6 ფეხბურთელია, თანაც ისეთი ფეხბურთელები, რომლებიც წლებია მანჩესტერ სიტის ლიდერებად ითვლებიან.
ედერსონ მორაეში
კაილ უოკერი
ილქაი გიუნდოგანი
კევინ დე ბრუინი
ბერნარდუ სილვა
ჯეკ გრილიში
დიახ, ეს სიმართლეა... მანჩესტერ სიტი ამ ფეხბურთელებთან გამოსამშვიდობებლად ემზადება. კლუბში ფიქრობენ, რომ თაობათა ცვლა დაგვიანდა და 2025 წელს დიდი ცვლილებებია საჭირო. ჯეკ გრილიშის გარდა, ამ სიაში ყველა ფეხბურთელი 30 წელს ზემოთაა და ყველა მათგანი კოლოსალურ ხელფასს იღებს, რაც კლუბის ფინანსურ მხარეზეც უარყოფიდათ აისახება.
ამ მომენტისთვის უცნობია იანვარში რომელიმე მათგანი დატოვებს თუ არა სიტის, თუმცა იმის თქმა დადასტურებულად შეგვიძლია, რომ კლუბი მათ სანაცვლოდ ყველა შეთავაზებას განიხილავს. იანვრის სატრანსფერო ფანჯრის გახსნამდე სულ რაღაც 17 დღეა დარჩენილი, შესაბამისად, ამ ექვსეულზე უახლოეს კვირებში უფრო მეტი ინფორმაცია გახდება ცნობილი.
