შეხვედრის ძირითადი და დამატებითი დრო უგოლოდ დასრულდა. აღსანიშნავია, რომ 105-ე წუთზე რონალდუმ თერთმეტმეტრიანი ვერ გაიტანა, ხოლო 116-ე წუთზე პორტუგალიის მეკარემ, დიოგო კოშტამ შეშკოს ურთულესი ბურთი აიღო და გუნდს შანსი შეუნარჩუნა.
120-წუთიანი დრამის შემდეგ თერთმეტმეტრიანი დარტყმები დაინიშნა, სადაც გმირად დიოგო კოშტა მოგვევლინა — 24 წლის მეკარემ 3-დან 3 თერთმეტმეტრიანი მოიგერია და საკუთარი ნაკრები ევროპის ჩემპიონატის 1/4 ფინალში გაიყვანა, სადაც პორტუგალია საფრანგეთს დაუპირისპირდება.
