ინტერნეტ სივრცეში პოპულარული ხდება 2011 წელს გადაღებული სურათი, რომელზეც ლიონელ მესი შეიძლება ითქვას, რომ თავის ბედისწერას უყურებს. ფოტო გადაღებულია ჩემპიონთა ლიგის 2010/11 წლების სეზონის 1/2 ფინალის მსვლელობის დროს: მოწინააღმდეგეები ბარსელონა და მადრიდის რეალი იყვნენ.
შეხვედრის მსვლელობისას მოედანზე შეიჭრა გულშემატკივარი, რის გამოც თამაში რამდენიმე წამით შეჩერდა. ერთი შეხედვით, განსაკუთრებული არაფერი. საინტერესო არის ის, რომ ფანს, რომელმაც ჩაირბინა არგენტინელი ფლეიმეიქერის გვერდით, მაისურზე ჰქონდა წარწერა: კატარი 2022. მატჩზე მომუშავე ერთ-ერთმა ფოტოგრაფმა ოპერატიულად დააფიქსირა "ბლაუგრანას" იმდროინდელი ლიდერის გამოხედვა და აღნიშნული წარწერა.
აღნიშნული სურათის გადაღების შემდეგ, გავიდა ერთი ათწლეული, კატარში გამართული მსოფლიო ჩემპიონატის ტრიუმფატორი კი როგორც ვიცით არგენტინის ეროვნული გუნდი გახდა. სოციალუქ ქსელებში უკვე ხუმრობენ იმის თაობაზე, რომ 2011 წელს, კატალონიელთა ყოფილმა 10-იანმა მიიღო შეტყობინება მომავლიდან, რომელიც მან გამოიყენა ზუსტად ისე, როგორც მას სჭირდებოდა.
