ლეგენდარულმა ლიონელ მესიმ შეარჩია 10 ყველაზე პერსპექტიული ახალგაზრდა ფეხბურთელი, რომლებისთვისაც Adidas-მა სპეციალური ბუცები დაამზადა. საუბარია F50 სერიის გაგრძელებაზე, რომელიც თავის დროზე თავად არგენტინელი ფლეიმეიქერის კოლექციაში იყო. სწორედ აღნიშნული მოდელით გაატარა ინტერ მაიამის კაპიტანმა კარიერის დიდი ნაწილი.
ბუცების ახალ სერიას "La Vida Rapida" ერქმევა. რაც შეეხება არგენტინის ნაკრების ათიანის არჩევანს, პირველები ამ ბუცებს მოირგებენ შემდეგი ახალგაზრდები: ლამინ იამალი, ქენან ილდიზი, ელიეს ბენ სეგირი, ლინდა კაისედო, კლაუდიო ეჩევერი, ვიკი ლოპესი, ჯოელ ნდალა, ანტონიო ნუსა, ასან ოდრაგო და ჯეიდენ შოუ.
