"როგორც ამაყი ინგლისელი, პატივი იყო ინგლისის ნაკრებში თამაში, შემდეგ კი - ნაკრების გაწვრთნა. აქ ყოფნა, ამ მაისურით თამაში და შემდეგ მუშაობა, ჩემთვის ყველაფერს ნიშნავდა. ამ დროის განმავლობაში ჩემი მაქსიმუმი გავიღე, მაგრამ ახლა ცვლილელების დროა. როგორც მე, ისე ნაკრებმაც ახალი თავის დაწერა უნდა დაიწყოს", - ვკითხულობთ საუთგეიტის ოფიციალურ განცხადებაში.
საუთგეიტი ინგლისის ეროვნულ ნაკრებში 2016 წლიდან მოყოლებული მუშაობდა და ამ დროში, მისი ხელმძღვანელობით ნაკრებმა ვერც ერთი დიდი ტურნირის მოგება ვერ მოახერხა. 102 მატჩი, 64 მოგება, 20 ფრე და 18 მარცხი, ასეთი სტატისტიკით ემშვიდობება გარეთი "სამ ლომს".
