არგენტინის ეროვნული ნაკრებისა და ინტერ მაიამის ფეხბურთელმა ლიონელ მესიმ Simplemente Futbol-თან ინტერვიუში საინტერესო თემებზე ისაუბრა.
"მე მქონდა განზრახვა დავბრუნებულიყავი ბარსელონაში და ამის გაკეთება ნამდვილად შემეძლო. დაბრუნება იმ გუნდში, რომელშიც ბედნიერი ვიყავი, ყოველთვის მინდოდა, მაგრამ ეს არ მოხდა.
პირველ რიგში ოჯახის საერთო გადაწყვეტილების გამო არ დავბრუნდი ბარსელონაში. დიდი გავლენა იქონია მსოფლიო ჩემპიონატის მოგებამაც, რის შემდეგაც მივხვდი, რომ ევროპაში დაბრუნება აღარ მინდოდა.
ჩემი კარიერა? მხოლოდ მსოფლიო ჩემპიონატის მოგება აკლდა ჩემს კარიერას და ესეც შევძელი. ვფიქრობ, ყველაფერს მივაღწიე.
ლამინ იამალი? 17 წლის ასაკში რასაც ის აკეთებს, ძალიან შთამბეჭდავია. ამ ასაკში მან უკვე მოახერხა და ევროპის ჩემპიონატი მოიგო. მას ყველაფერი ჯერ კიდევ წინ აქვს. იამალს საოცარი შესაძლებლობები აქვს და მსოფლიოში უკვე ერთ-ერთი საუკეთესოა.
2026 წლის მსოფლიო ჩემპიონატი? იქამდე ერთი წელია დარჩენილი და სწორედ ამ დროში გადაწყდება მივიღებ თუ არა ამ ტურნირზე მონაწილეობას."
