დღეს, აზიის ჩემპიონთა ლიგაზე ალ-ნასრი სტუმრად ისტიკლოლს დაუპირისპირდება. ტაჯიკეთში ჩამოფრინდნენ სადიო მანე, მარსელო ბროზოვიჩი, ინიგო მარტინესი, ჟოაო ფელიქსი, მაგრამ არა კრიშტიანუ რონალდუ. ლეგენდარულმა ფორვარდმა აღნიშნული შეხვედრა უყურადღებოდ დატოვა.
პორტუგალიელ თავდამსხმელს დუშანბეში ელოდებოდა უამრავი გულშემატკივარი, მათ შორის მოწინააღმდეგე კლუბის გენერალური დირექტორიც. ტაჯიკი ფუნქციონერისთვის იყო ცნობილი, რომ რიადელთა კაპიტანი არ თამაშობს ხელოვნურ საფარზე და მისი უარის თავიდან ასაცილებლად, შეხვედრა გადაიტანეს სტადიონზე, რომელიც ჰიბრიდული საფარით არის აღჭურვილი.
სინამდვილეში, მოედნის საფარი არაფერ შუაშია, "ყვითლების" შვიდიანი უბრალოდ არ თამაშობს აზიის რანგით მეორე ტურნირზე. ვეტერან ფორვარდს აქვს შეთანხმება ჟორჟე ჟეზუსთან, რომლის თანახმადაც, ის გამოტოვებს ჯგუფურ ეტაპს და თავის გუნდს უკვე პლეიოფში დაეხმარება.
40 წლის თავდამსხმელის აღნიშნული გადაწყვეტილება განპირობებულია ტრავმების თავიდან ასაცილებლად და ფორმის შენარჩუნების მიზნით. ალ-ავალ პარკის ბინადრებმა აზიის რანგით მე-2 ტურნირზე უკვე 4 შეხვედრა ჩაატარეს, მაგრამ რონალდუ არცერთში არ ყოფილა.
