ჩემპიონთა ლიგის ჯგუფურ ეტაპზე მიუნხენის ბაიერნი საკუთარ მოედანზე ლონდონის ჩელსის დაუპირისპირდა და 3:1 დაამარცხა.
მატჩის საუკეთესო ფეხბურთელი ჰარი კეინი გახდა, რომელმაც დუბლი გაიფორმა და საინტერესო რეკორდიც დაამყარა.
კრიშტიანო რონალდუს და ნეიმარის შემდეგ, კეინი გახდა მესამე ფეხბურთელი, ვინც ჩემპიონთა ლიგაზე 20 და მეტი გოლი ორი სხვადასხვა გუნდის მაისურით გაიტანა.
რონალდუმ ამის გაკეთება რეალის და მანჩესტერ იუნაიტედის მაისურით შეძლო, ნეიმარმა ბარსელონას და პსჟ-ს, ხოლო კეინმა ტოტენჰემის და ბაიერნის.
ჩემპიონთა ლიგაზე კეინის ანგარიშზე 42 გოლია, ნეიმარის 43, რონალდუ კი 143 გოლით ყველა დროის ბომბარდირია.
