ბრემენის ვერდერის კარში შესრულებული დუბლის შემდეგ, ჰარი კეინს მიუნხენის ბაიერნის შემადგენლობაში 100 გოლი დაუგროვდა. აღსანიშნავია, რომ ინგლისელმა ფორვარდმა ეს შეძლო სულ რაღაც 104 შეხვედრაში, რაც არის 21-ე საუკუნის რეკორდი, ერთ კლუბში 100-ბურთიანი ნიშნულის მიღწევაში.
აქამდე, საუკეთესო შედეგი ჰქონდათ კრიშტიანუ რონალდუსა და ერლინგ ჰოლანდს, რომლებმაც 100 გოლი რეალ მადრიდსა და მანჩესტერ სიტიში 105 შეხვედრაში შეაგდეს. საინტერესოა ასევე "რეკორდმაისტერის" წარსულის მთავარი გოლეადორების, გერდ მიულერისა და რობერტ ლევანდოვსკის სტატისტიკაც.
გერმანელ თავდამსხმელს 100 გოლის გასატანად დასჭირდა 119 მატჩი, მის პოლონელ მემკვიდრეს კი 137. როგორც ვხედავთ, ინგლისის ნაკრების კაპიტანმა ჩამოიტოვა არა მხოლოდ ალიანც არენას ბინადრების ლეგენდარული ფორვარდები, არამედ ზოგადად, სხვა ყველა დანარჩენიც.
