"კილიანს დიდიე დეშამთან საუბარი ჰქონდა — მწვრთნელთან მჭიდრო ურთიერთობა მაქვს, ამიტომ მე ინფორმირებული ვიყავი მათი დისკუსიებისა და დიდიეს გადაწყვეტილების შესახებ. სწორედ ამ დისკუსიების "ნაყოფმა" მიიყვანა მთავარი მწვრთნელი იმ გადაწყვეტილებამდე, რაც მიიღო.
კილიანი მსოფლიოში ერთ-ერთი საუკეთესო მოთამაშეა. მას ახლა ცოტა რთული პერიოდი აქვს, მაგრამ, ვფიქრობ, ყველა გულშემატკივრის სურვილია, რაც შეიძლება სწრაფად გამოვიდეს კრიზისიდან და კვლავ გახდეს ის ფეხბურთელი, რომელმაც 2018 და 2022 წლებში, ყველა გააოცა. მჯერა, ის მალე გაიკეთებს კაპიტნის სამკლაურს და გაგვიძღვება 2026 წლის მსოფლიო ჩემპიონატისკენ, მესამე ვარსკვლავის ძიებაში.
კილიანში ყოველთვის ვხედავდი ისეთ ადამიანს, რომელსაც საფრანგეთის ნაკრები უყვარდა, რომელიც პატივს სცემდა იმ მაისურს, რომელსაც ატარებდა. ეჭვი არ მეპარება მის სიყვარულში და ჩართულობაში, როცა საქმე ეროვნულ ნაკრებს ეხება. ჩემი ერთადერთი სურვილია, კილიანი რაც შეიძლება სწრაფად დაბრუნდეს თავის ადგილზე და ისევ დაიწყოს საფრანგეთის ეროვნულ ნაკრებში თამაში."
ნოემბრის შემდეგ სანაკრებო პაუზა მარტამდე აღარ იქნება. საინტერესოა როგორ განვითარდება მოვლენები ამ პერიოდში და შეძლებენ თუ არა მხარეები კონფლიქტის დასრულებას, თუმცა ახლა ფაქტია საფრანგეთის ნაკრების მთავარ ვარსკვლავს, საკუთარი ქვეყნის მაისურით თამაში აღარ სურს.
