ლივერპულის ლიდერმა, მოჰამედ სალაჰმა ერთმანეთს იურგენ კლოპი და არნე სლოტი შეადარა. აფრიკელმა თავდამსხმელმა აღნიშნა, რომ ნიდერლანდელი დამრიგებლის გვერდით, ის თავს უფრო კომფორტულად გრძნობს. შეგახსენებთ, რომ ეგვიპტელმა ფორვარდმა თავის ახალ თავკაცთან ერთად მიმდინარე სეზონში ინგლისის ჩემპიონატი მოიგო.
"თითოეულ მწვრთნელს აქვს თავისი ინდივიადუალური სტილი და მათი შედარება არ ღირს. სლოტთან მაქვს ახლო ურთიერთობა, რადგან ჩვენ ძალიან კარგად ვუგებთ ერთმანეთს. ხშირად განვიხილავთ სხვადასხვა საკითხებს, რაც კლოპის მუშაობის დროს პრაქტიკულად არასდროს ყოფილა.
არნე პირველივე დღიდან იყო ჩემს მიმართებაში გულახდილი. მას უნდოდა ჩემგან მაქსიმუმის მიღება, მე კი მოედანზე კომფორტულად ყოფნა. რაც შეეხება იურგენს, მან ლივერპულისთვის გაიღო ყველაფერი და ჩვენ ერთად ბევრი რამ მოვიგეთ."
