საქართელოსა და ესპანეთის ნაკრებების შეხვედრის წინ, კომენტარი გააკეთა მადრიდის რეალის ყოფილმა ცენტრალურმა მცველმა, ნაჩო ფერნანდესმა. შეგახსენებთ, რომ "ჯვაროსნებისა" და "ფურია როხას" მატჩი 30 ივნისს გაიმართება.
კვარაცხელია უდავოდ დიდი ძალაა. რეალთან ერთად ჩემპიონთა ლიგის გასულ სეზონში მის წინააღმდეგ ორჯერ ვითამაშე და ვიტყოდი, რომ განსაკუთრებული მოთამაშეა. ძალიან სწრაფია და სახიფათოა ერთი-ერთზე დაპირისპირებისას. ეჭვგარეშეა, რომ საქართველოს ეროვნული გუნდის ლიდერია და მთავარი მამოძრავებელი.
მამარდაშვილი ძალიან კარგი მეკარეა, ლა ლიგაში მან ფანტასტიური სეზონი ჩაატარა. საქართველოს ნაკრებისთვის ისიც მნიშვნელოვანი ფეხბურთელია. ჩვენ მაინც ვეცდებით, რაც შეიძლება მეტი ბურთი გავიტანოთ და გიორგის კარგი დღე არ ჰქონდეს. მიუხედავად ამისა, ეჭვგარეშეა მისი შესაძლებლობები - წლებია ამტკიცებს, რომ უმაღლესი დონის კარის დარაჯია", - განაცხადა ესპანელმა უკანახაზელმა.
