როგორც მოგეხსენებათ, ამ სეზონის დასრულების შემდეგ, ლივერპულს მოჰამედ სალაჰი დატოვებს. ვეტერან თავდამსხმელს დარჩა რამდენიმე თამაში მერსისაიდში, რის შემდეგაც მის კარიერაში ახალი თავგადასავალი დაიწყება. ეგვიპტელი ფორვარდის განცხადებით, მას დარჩა ერთი დაუსრულებელი საქმე "წითლებში".
"დიახ, ლივერპულის მაისურით რამდენიმე მატჩის ჩატარება დამრჩა. არის ერთი დაუმთავრებელი საქმე - რაც შეიძლება ბევრი გოლის გატანა და მერსისაიდელთათვის ევროპის მთავარი საკლუბო ტურნირის საგზურის მოპოვება. ახლა მთავარია დამშვიდება და მიზნამდე საღი გონებით მისვლა", - განაცხადა "წითლების" ლიდერმა.
შეგახსენებთ, რომ ეგვიპტის ნაკრების ათიანი ენფილდზე თამაშობს 2017 წლიდან და ამ დროის განმავლობაში მან 439 მატჩში 257 გოლი შეაგდო. ლივერპულის შემადგენლობაში "ფარაონმა" საერთო ჯამში 10 ტიტული მოიგო.
