მას შემდეგ, რაც მოჰამედ სალაჰმა ლივერპულიდან წასვლა დაანონსა, ინგლისურ პრესაში ეგვიპტელის პოტენციურ შემცვლელზე საუბრები დაიწყო. მერსისაიდულ კლუბს არაერთი ვინგერი დაუკავშირეს, მეტიც, მოსალოდნელია, რომ ენფილდის ბინადრები ზაფხულში ორ ფლანგის ფეხბურთელს დაიმატებენ.
ზემოხსენებული წყაროების ინფორმაციით, ლივერპულის სიაში იან დიომანდე (ლაიფციგი), ფრანცისკო კონსეისაუ (იუვენტუსი), მაიკლ ოლისე (ბაიერნი), ბრედლი ბარკოლა (პარი სენ-ჟერმენი) და ენტონი გორდონი (ნიუკასლი) არიან, თუმცა დიდი ალბათობით უახლოეს პერიოდში სხვა ფეხბურთელების შესახებაც დაიწერება, რადგან როგორც ზემოთ ვახსენეთ, მერსისაიდელები ორი ვინგერის შეძენას გეგმავენ.
ერთი რამ ფაქტია, ლივერპულს გასული წლის მსგავსად, 2026 წლის ზაფხულის სატრანსფერო ფანჯარაც ძალიან დატვირთული ექნება — კლუბი შეტევის გარდა, დაცვის და ნახევარდაცვის გაძლიერებასაც გეგმავს.
