ვინ შეცვლის კლუბის ლეგენდას? პეპ გვარდიოლა და სიტის ახალი სპორტული დირექტორი უგო ვიანა, 2 კანდიდატურას უკვე განიხილავენ.
კლუბი ადგილობრ ბაზარზე აქიუტობას გეგმავს, ერთ-ერთი მთავარი სამიზნე კი მორგან გიბს-უაითი იქნება. ნოტინგემ ფორესტის 25 წლის ლიდერი, სიტის რადაზეა და როგორც კლუბთან დაახლოებული წყაროები ამბობენ, პეპ გვარდიოლას ინგლისელი ნახევარმცველის ვარიანტი ძალიან მოსწონს.
ინგლისელი ფეხბურთელი ნოტინგემის ღირსებას 2022 წლიდან მოყოლებული იცავს. მორგანმა ამ დროში 110 მატჩის ჩატარება მოასწრო, გაიტანა 16 გოლი და 27 საგოლე გადაცემაც შეასრულა. გიბს-უაითს კლუბთან არსებული კონტრაქტი 2027 წლამდე აკავშირებს, მხარეები კი ამ მომენტისთვის ახალ ხელშეკრულებაზე არ მუშაობენ.
ნოტინგემს ფეხბურთელის შენარჩუნება სურს, თანაც გუნდი ჩემპიონთა ლიგაზე გასვლასთანაა ძალიან ახლოს, შესაბამისად, მანჩესტერ სიტის საკმაოდ დიდი ფინანსების გაღება მოუწევს ფეხბურთელის დამატებას თუ გადაწყვეტს.
ფლორიან ვირცი მანჩესტერ სიტის ძველი სამიზნეა — პეპ გვარდიოლა, რომ გერმანელი ფეხბურთელით აღფრთოვანებულია, ამას თავადაც ხშირად ამბობს. "ქალაქელები" ახალგაზრდა შემტევით უკვე ორი წელია რაც ინტერესდებიან, შესაბამისად, კლუბში ფიქრობენ, რომ თუ ვინმე კევინ დე ბრუინს კარგად შეცვლის, ეს სწორედ ფლორიან ვირცი იქნება.
21 წლის ფეხბურთელი ლევერკუზენის პირველ გუნდში 2020 წლიდან მოყოლებული თამაშობს. გერმანელმა ამ დროში 191 მატჩის ჩატარება მოასწრო, გაიტანა 56 გოლი, რასაც 63 საგოლე გადაცემაც დაუმატა. ლევერკუზენი ფეხბურთელის შესანარჩუნებლად ყველაფერს აკეთებს. მხარეები რამდენიმე თვეა ახალ ხელშეკრულებაზე მუშაობენ, თუმცა დრო "ფარმაცევტების" წინააღმდეგ მუშაობს. ფლორიან ვირცს კლუბთან არსებული კონტრაქტი 2027 წლამდე აკავშირებს, მისი სატრანსფერო ფასი კი მინიმუმ €120 მილიონია. საქმეშია მიუნხენის ბაიერნიც, რომლის ინტერესიც რეალური და დადასტურებულია.
ზაფხულის სატრანსფერო ფანჯრის მოახლოებასთან ერთად, მანჩესტერ სიტის პოტენციურ სამიზნეებზე უფრო მეტი ინფორმაცია გახდება ცნობილი.
