"უნდა ვთქვა, რომ ძალიან იმედგაცრუებული ვარ მო სალაჰით. მიზეზი რის გამოც ლივერპულს ჯერ ახალი კონტრაქტი არ შეუთავაზებია, ის არის, რომ ისინი ჯერ კიდევ საუბრობენ ხელშეკრულების დეტალებზე. ჯერ არ არის მზად ისეთი კონტრაქტი, რომელზეც სალაჰი დათანხმდება.
ლივერპულს წინ ორი უმნიშვნელოვანესი მატჩი ელოდება — შუა კვირაში რეალ მადრიდი და უიქენდზე მანჩესტერ სიტი... ასეთ დროს ასეთი განცხადების გაკეთება, სწორი არ არის. სალაჰი ზოგადად ბევრს არ საუბრობს მედიასთან. მო ლივერპულში 7 წელია რაც თამაშობს და ამ დროში მატჩის შემდეგ, ჟურნალისტებთან სასაუბროდ მაქსიმუმ ორჯერ გაჩერებულიყო. რა თქმა უნდა მისი უფლებაა თუ რას გააკეთებს შეხვედრის დასრულების შემდეგ, მაგრამ მაინც და მაინც საუთჰემპტონთან გამარჯვების შემდეგ გადაწყვიტა მედიასთან საუბარი, სადაც ისეთი განცხადება გააკეთა, რაც კლუბს დააზიანებს.
ახლა ლივერპულისთვის ყველაზე მნიშვნელოვანი საკითხი არ არის მო სალაჰის მომავალი, არ არის ვირჯილ ვან დაიკის მომავალი და არც ტრენტ ალექსანდერ-არნოლდის მომავალი... ყველაზე მნიშვნელოვანი ის არის, რომ ლივერპულმა მოიგოს პრემიერ ლიგა! ეს უფრო მნიშვნელოვანია, ვიდრე რომელიმე ამ მოთამაშის ახალი კონტრაქტი. ამ ფეხბურთელების და მათი აგენტების განცხადებები, მხოლოდ და მხოლოდ ეგოისტური გამოხტომებია. ეს არის საკუთარ თავზე ფიქრი და არა საფეხბურთო კლუბზე."
მო სალაჰის განცხადებით, ლივერპულს ახალი შეთავაზება ამ დრომდე არ გაუკეთებია და მისი გუნდიდან წასვლის შანსი უფრო დიდია, ვიდრე დარჩენის. ეგვიპტელი ფეხბურთელი სეზონის ბოლოს თავისუფალი აგენტი ხდება.
