პარის სენ-ჟერმენის ყოფილმა გარემარბმა, ჟერემი როთენმა კილიან მბაპე გააკრიტიკა. ვეტერან ფეხბურთელს არ სჯერა, რომ ვარსკვლავურ ფრანგ ფორვარდს ტრავმა აქვს. შეგახსენებთ, ოფიციალური ვერსიით, უკრაინის ეროვნულ გუნდთან ჩატარებული შეხვედრის შემდეგ, მადრიდის რეალის შემტევს კოჭის ტრავმა აღმოაჩნდა.
"სამეფო კლუბის" ათიანმა დატოვა საფრანგეთის ნაკრების განკარგულება, რაც ნიშნავს იმას, რომ აზერბაიჯანის ეროვნულ გუნდთან დაგეგმილ შეხვედრას ის გამოტოვებს. აღნიშნული თამაში გაიმართება 16 ნოემბერს, მაგრამ როგორც აღვნიშნეთ, "დონატელოს" გარეშე.
"უკრაინასთან მატჩის მე-80 წუთზე, როდესაც ანგარიში იყო 4:0, ვფიქრობდით, თუ რომელი ფეხბურთელი მოიგონებდა ტრავმას. სამწუხაროდ, ასეთი მოთამაშე ეროვნული გუნდის კაპიტანი გამოდგა. მბაპეს სინამდვილეში უბრალოდ აზერბაიჯანში გამგზავრება არ უნდა.
კილიანის მიმართ არის განსაკუთრებული დამოკიდებულება, თუმცა მის გვერდით არიან სხვა ფეხბურთელებიც, რომლებიც მასზე არანაკლებ დატვირთულები არიან. ამ უაზრო შეხვედრის ჩატარების ნაცვლად, მათაც ურჩევნიათ დასვენება, მაგრამ უწევთ თამაში, რადგან საფრანგეთის ეროვნული გუნდის ღირსებას იცავენ."
