"თეთრ-ლურჯების" გარდა, სხვადასხვა დროს ის ასევე მუშაობდა ბარსელონაში, ატლეტიკოში, ბოკა ხუნიორსში, რივერ პლეიტში, მექსიკის ნაკრებში, სამპდორიასა და კიდევ რამდენიმე გუნდში. არგენტინის ეროვნული გუნდის ყოფილი დამრიგებელი კატალონიაში წვრთნიდა დიეგო მარადონას, მაგრამ 1978 წლის მუნდიალზე მან ახალგაზრდა შემსრულებელი არ წაიყვანა.
არგენტინელი შემტევი მის შესახებ მოგვიანებით იტყვის - "არასდროს ვაპატიებ მენოტის, რომ არ მომცა შანსი გავმხდარიყავი მსოფლიოს ჩემპიონი 17 წლის ასაკში".
ისინი ერთობლივი ძალებით "ალბისელესტეს" წარადგენენ 1982 წლის მუნდიალზე, მაგრამ წარუმატებლად. 1986 წლის ტურნირზე ტრიუმფი კი უკვე სესარის გარეშე იყო.
ცნობისთვის, არგენტინელი მწვრთნელს უსაუბრია თბილისის დინამოს შესახებ, 1981 წლის თასების მფლობელთა თასის ფინალის წინ. მან სწორედ ქართული გუნდის გამარჯვება იწინასწარმეტყველა:
"ახლა კარლ ცაისს გაცილებით მეტი შანსი აქვს გავიდეს ფინალში, ვიდრე ბენფიკას, რადგან 0:2-ით წაგებული მატჩი ბევრს ნიშნავს. ტურნირს კი მოიგებს ევროპის უძლიერესი გუნდი, დინამო თბილისი".
