ცნობილი გახდა 2026 წლის მსოფლიო ჩემპიონატზე მონაწილე ნაკრებების განთესვა კალათების მიხედვით. ტურნირზე მონაწილე 48 ეროვნული გუნდი 4 კალათაში იქნება გადანაწილებული. პირველ კალათაში არიან მუნდიალის 3 მასპინძელი: აშშ, მექსიკა, კანადა, ასევე მოქმედი ჩემპიონი არგენტინა და კიდევ ესპანეთი, ბრაზილია, გერმანია, საფრანგეთი, ინგლისი, პორტუგალია, ნიდერლანდები, ბელგია.
ყველაზე დიდ ინტერესს იწვევს მეოთხე კალათაში დარჩენილი ექვსი ვაკანტური ადგილი. ოთხი ადგილი ეკუთვნით ევროპის წარმომადგენლებს და პრეტენზიას აცხადებენ შემდეგი ეროვნული გუნდები: იტალია, ჩეხეთი, დანია, შვედეთი, თურქეთი, რუმინეთი, პოლონეთი, უკრაინა, ირლანდია, უელსი, ჩრდილოეთ ირლანდია, ბოსნია, სლოვაკეთი, ჩრდილოეთ მაკედონია, ალბანეთი და კოსოვო.
მსოფლიო ჩემპიონატზე გასული დარჩენილი ოთხი ევროპული ნაკრების ვინაობას გავიგებთ მომავალი წლის მარტის ბოლოს, პლეიოფის საშუალებით. რაც შეეხება დარჩენილ 2 ვაკანტურ ადგილს: საკონტინენტთაშორისო პლეიოფის ფინალში გასული კონგო და ერაყი თავიანთ მეტოქეებს ელოდებიან.
მათი სავარაუდო მოწინააღმდეგეები იქნებიან ბოლივია, იამაიკა, სურინამი და ახალი კალედონია. დარჩენილი ორი ვაკანტური ადგილის მფლობელის ვინაობა ასევე მომავალი წლის მარტის ბოლოს გაირკვევა. აღსანიშნავია, უშუალოდ მუნდიალის წილისყრა 5 დეკემბერს გაიმართება.
