ბირმინგემის ასტონ ვილას კარში გოლის გატანის შემდეგ, მოჰამედ სალაჰს პრემიერ ლიგაში 190 ბურთი დაუგროვდა. მასზე წინ არის მხოლოდ 3 მოთამაშე: ალან შირერი (260 გოლი), ჰარი კეინი (213 გოლი) და უეინ რუნი (208 გოლი). როგორც ვხედავთ, პირველ პოზიციამდე ეგვიპტელ ფორვარდს მინიმუმ 70 გოლი აშორებს.
ნაკლებად სავარაუდოა, რომ მერსისაიდელთა ლიდერმა მოახერხოს ლეგენდარული ინგლისელი თავდამსხმელის რეკორდის დამხობა, თუმცა ერთი რამ ნათელია: "წითლების" მე-11 ნომერი ინგლისის ჩემპიონატის ისტორიაში ყველაზე შედეგიანი ლეგიონერია. პრემიერ ლიგაში მოთამაშე უახლოესი უცხოელი მდევარი არის ერლინგ ჰოლანდი, რომელსაც ამ მომენტისთვის 98 ბურთი დაუგროვდა.
როგორც ვხედავთ, სხვაობა "ფარაონსა" და ნორვეგიელ თავდამსხმელს შორის 92 გოლია. შუალედი ნამდვილად დიდია, თუმცა იმის გათვალისწინებით, რომ 33 წლის ფორვარდი "წითლებში" ატარებს კარიერის დასკვნით ნაწილს, მანჩესტერ სიტის გოლეადორი კი თავის საუკეთესო პერიოდს, რეკორდის დამხობის ალბათობა მართლაც მაღალია.
