ჩემპიონთა ლიგის ფაზის მეხუთე ტურის მთავარი გმირი - კილიან მბაპე, რომელმაც პირეოსის ოლიმპიაკოსს პოკერი შეუსრულა. აღსანიშნავია, "თეთრ-წითლების" კარში 3 ბურთის შესაგდებად ფრანგ ფორვარდს სულ რაღაც 6 წუთი და 42 წამი დასჭირდა. პირველი გოლი მან გაიტანა 22-ე წუთზე, მე-3 კი 29-ზე.
შედეგი მართლაც შთამბეჭდავია, თუმცა არა რეკორდული. "სამეფო კლუბის" თავდამსხმელზე მოკლე დროში ჰეთ-თრიქი ჩემპიონთა ლიგაზე შესრულებული აქვს მო სალაჰს, 2022-ში, გლაზგო რეინჯერსის წინააღმდეგ. 3 ბურთის შესაგდებად მას სულ რაღაც 6 წუთი და 12 წამი დასჭირდა.
გამოდის, რომ სანტიაგო ბერნაბეუს ბინადრების ათიანი ეგვიპტელ თავდამსხმელს 30 წამით ჩამორჩა. როგორც აღვნიშნეთ, მატჩის 29-ე წუთისთვის "დონატელოს" ანგარიშზე იყო უკვე 3 ბურთი და ევროპის მთავარ საკლუბო ტურნირს ახსოვს მხოლოდ 2 მოთამაშე ჰეთ-თრიქით უშუალოდ შეხვედრის უფრო მოკლე დროში.
1996 წელს, მილანის თავდამსხმელმა, მარკო სიმონემ ტრონჰეიმის როსენბორგს სამი გოლი გაუტანა მატჩის 24-ე წუთისთვის, რობერტ ლევანდოვსკიმ 2022-ში ზალცბურგს კი შეხვედრის 23-ე წუთისთვის. სწორედ მათ შემდეგ მოდის 26 წლის ფორვარდი 3 ბურთით შეხვედრის 29-ე წუთისთვის.
