მანჩესტერ იუნაიტედის საკუთრებაში მყოფი თავდამსხმელი, მარკუს რაშფორდი ახლოს არის ბარსელონაში განათხოვრების წესით გადასვლასთან. ამ ფაქტს გამოეხმაურა მადრიდის რეალის ყოფილი ფორვარდი, პრედრაგ მიატოვიჩი, რომელმაც ინგლისელი შემტევის კატალონიაში ტრანსფერს უცნაური უწოდა.
"რაშფორდი არის ფეხბურთელი, რომელსაც ერთ დროს შეეძლო გამხდარიყო ნამდვილი ვარსკვლავი, თუმცა მას არაერთი წარუმატებელი თამაში დაუგროვდა. მარკუსის ბარსაში იჯარით გადასვლა? უცნაური ფაქტია, რომელიც ორ რამეზე მეტყველებს. პირველი: კატალონიელებს არ აქვთ ფული, მეორე: ისინი არ არიან ინგლისელი ფორვარდის პოტენციალში დარწმუნებულები."
შეგახსენებთ, რომ ტრანსფერის გაოფიციალურების შემდეგ, "ბლაუგრანა" დაიტოვებს "წითელი ეშმაკების" თავდამსხმელის გამოსყიდვის უფლებას 35 მილიონად. გავრცელებული ინფორმაციით, ჰანსი ფლიკის გუნდში გადასვლის გამო, ოლდ ტრაფორდის ბინადრების ყოფილი მე-10 ნომერი ხელფასის 25%-ით შემცირებაზე თანახმა არის.
