რომას ლეგენდარულმა კაპიტანმა, ფრანჩესკო ტოტიმ მოჰამედ სალაჰის გვერდით გატარებული პერიოდი გაიხსენა. შეგახსენებთ, რომ იტალიელი და ეგვიპტელი ფორვარდები "ჯალორისიში" ერთად 2015-2017 წლებში თამაშობდნენ. ერთად გატარებულ ბოლო სეზონში "მგლების" შემტევების დამრიგებელი ლუჩანო სპალეტი იყო.
"მე და სალაჰს განსაკუთრებული ურთიერთობა გვქონდა. ის ხშირად მიყვებოდა, თუ როგორ უყურებდა ჩემს თამაშებს, როდესაც ბავშვი იყო. მო არის ძალიან პოზიტიური და უპრობლემო პიროვნება, ნამდვილი მისწრება ნებისმიერი დამრიგებლისთვის. ვიცი, თუ როგორ გახდა ეგვიპტელი ფორვარდი ერთ-ერთი საუკეთესო.
ლივერპულის თავდამსხმელი ყოველთვის შრომობდა ძალიან ბევრს და ის ზუსტად ასრულებდა სპალეტის მითითებებს. ვფიქრობ, სწორედ თავდაუზოგავმა შრომამ და თავისი დამრიგებლის მიმართ ერთგულებამ მერსისაიდელთა მე-11 ნომერი დიდ მოთამაშედ აქცია."
