ჩემპიონთა ლიგაზე ინტერთან გასამართი მატჩის წინ, ლივერპულის მთავარმა მწვრთნელმა მო სალაჰის თაობაზე პრესკონფერენციაზე ისაუბრა. ნიდერლანდელმა სპეციალისტმა ეგვიპტელი ფეხბურთელის იმ ინტერვიუზე გაამახვილა ყურადღება, რომელიც 33 წლის შემტევმა ლიდს იუნაიტედთან მატჩის დასრულების შემდეგ მედიასთან გააკეთა.
"სალაჰი? როგორც წესი, მე მშვიდი და თავაზიანი ვარ, მაგრამ ეს არ ნიშნავს, რომ სუსტი ვარ. როდესაც ფეხბურთელი ასეთ განცხადებას აკეთებს, როგორიც სალაჰმა გააკეთა, ჩვენ, როგორც კლუბს, რეაგირება უნდა მოგვეხდინა და როორც ხედავთ, ის გუნდთან ერთად მილანში არ იმყოფება.
მისი განცხადება და ინტერვიუ, რომელიც პრესაში გავრცელდა, ჩემთვის დიდი სიურპრიზი იყო, ამას ნამდვილად არ მოველოდი.
ფეხბურთელთან ურთიერთობა გაწყვეტილია?მე ასე არ ვფიქრობ... მას უფლება აქვს, ისე იგრძნოს ყველაფერი, როგორც თავად გრძნობს, მაგრამ ამ ყველაფერს თუ მედიასთან გაამჟღავნებს, ამაზე კლუბსაც ლოგიკური რეაქცია უნდა ჰქონდეს. მო ყოველთვის პატივისცემით ეკიდებოდა პერსონალს და თანაგუნდელებს, ის ძალიან ბევრს ვარჯიშობდა, ამიტომ ცოტა გამიკვირდა, როდესაც გავიგე, რომ ასეთი კომენტარი გააკეთა.
მისი სიტყვები? ამაზე რეაქცია რა თქმა უნდა მქონდა და სწორედ ამიტომ არ არის ფეხბურთელი განაცხადში, მაგრამ საქმე ჩემში არ არის, საქმე თავიდან ბოლომდე კლუბშია. ძნელია იმის დანახვა, რომ მისი სიტყვები გავლენას ახდენს პერსონალის წევრებზე, რომლებიც ყოველდღიურად შრომობენ, ფანებზე, ფეხბურთელებსა და მთლიანად გუნდზე, რომლებიც ყველაფერს აკეთებენ ამ გუნდის წარმატებისთვის, შესაბამისად, კლუბს სრულიად სამართლიანი რეაქცია ჰქონდა."
