"რუსეთის ნაკრებებისა და კლუბების დაბრუნებაზე მსჯელობა დაწყებულია", - განუცხადა The Independent-ს ერთ-ერთმა სანდო წყარომ. უეფაში ბევრი თვლის, რომ რუსული ფეხბურთის ჩამოშორება უბრალოდ პოლიტიკას ეხება, მეტიც, ზოგი თვლის, რომ ქვეყანა დისკვალიფიკაციას არც კი იმსახურებდა.
უეფასა და ფიფას საქმეს ურთულებს ისრაელის საკითხი. ბევრი ქვეყანა წინააღმდეგია და დღემდე აპროტესტებს ამ ქვეყნის ნაკრებებისა და კლუბების დიდ ტურნირებზე აპსარეზობას.
რუსეთის ფეხბურთის ფედერაციის დისკვალიფიკაციის მოხსნამდე, ბევრი რამ უკრაინაში მიმდინარე საომარ მოქმედებებზე იქნება დამოკიდებული. თუ უახლოეს პერიოდში, მხარეები ცეცხლის შეწყვეტის გადაწყვეტილებას მიიღებენ, უეფა და ფიფა შეიძლება გარკვეულ დათმობაზე წავიდნენ და რუსეთის ნაკრებები და კლუბები დიდ ტურნირებზე დააბრუნონ. როგორც The Independent წერს, ამ საქმეს ყურადღებით აკვირდება ამერიკის შეერთებული შტატების პრეზიდენტი დონალდ ტრამპიც.
შეგახსნებეთ, რუსეთის ნაკრებებსა და კლუბებს დისკვალიფიკაცია 2022 წლიდან მოყოლებული აქვთ.
