ლეგენდარულმა რობერტო კარლოსმა ჯონ ობი მიკელთან პოდკასტზე არაერთ საინტერესო საკითხზე ისაუბრა. ვეტერანმა მარცხენა მცველმა გაიხსენა მადრიდის რეალში გატარებული პერიოდი, გალაქტიკოს ეპოქა და თავისი თანაგუნდელები. საუბარმა ვერც ლიონელ მესისა და კრიშტიანუ რონალდუს შედარების გარეშე ჩაიარა.
"მესი თუ რონალდუ? ერთი მათგანი ფანტაზიაა, მეორე კი დაუღალავი შრომა. ჩემი აზრით, მომავალმა თაობამ მაგალითი სწორედ კრიშტიანუსგან უნდა აიღოს. რეალში გატარებული პერიოდი? რონალდო იყო საუკეთესო, ზიდანი - უნიკალური, ბექჰემი კი ყველაზე საიმედო.
ყველაზე უსიამოვნო მატჩი? ფიგუს დაბრუნება ბარსელონას წინააღმდეგ კამპ ნოუზე. ეს ყველაფერი ნამდვილ ომს ჰგავდა. ვისურვებდი, რომ იმ შეხვედრაში მონაწილეობა არ მიმეღო. მარსელო? ვიცოდი, რომ მადრიდში მომავალი საუკეთესო განაპირა მცველი მოდიოდა."
