ლივერპულის ყოფილმა მცველმა, ჯეიმი კარაგერმა დაასახელა ფეხბურთელი, რომელიც მას თამაშის სტილით დავიდ სილვასა და კევინ დე ბრუინს აგონებს. ვეტერანი ინგლისელი უკანახაზელისთვის ასეთი მოთამაშე არის მერსისაიდელთა ფლეიმეიქერი, ფლო ვირცი.
"რაც დრო გადის, ვირცი უფრო და უფრო უმატებს. პრემიერ ლიგამ დაკარგა დე ბრუინი, თუმცა ახალი ვარსკვლავი შეიძინა. მის თამაშს ვაკვირდები დიდი ყურადღებით და ვფიქრობ: შეძლებს თუ არა ფლორიანი კევინის დონის მიღწევას? ამაზე საუბარი ნაადრევია, ყველაფერს დრო გვიჩვენებს.
თამაშის სტილით მსგავსება მათ შორის ნამდვილად არის. ვფიქრობ, გერმანელი ნახევარმცველი სილვასაც ჰგავს. მისი მთავარი კრიტიკოსი არის ნევილი, რომლის გაჩუმების საშუალებაც ლივერპულის ფლეიმეიქერს ექნება მომავალ უიკენდზე, სიტისთან შეხვედრაში."
