ევროპის ჩემპიონატის ნახევარფინალში ესპანეთის ნაკრები საფრანგეთს დაუპირისპირდა, 2:1 დაამარცხა და ფინალის საგზური მოიპოვა.
ლოგიკურია, რომ მატჩის შემდეგ, ესპანელი ფეხბურთელები ამ წარმატებას მინდორზე ზეიმობდნენ და გულშემატკივარს მადლობას უხდიდნენ.
ამ დროს, მცირე ინციდენტი მოხდა. მოედანზე შევარდნილი გულშემატკივარი ესპანელთა 9-იანს, ალვარო მორატას ფეხებში ჩაუავარდა და ტრავმა მიაღებინა.
სამართალდამცავებმა ქომაგი მოედნიდან მალევე გაიყვანეს, თუმცა მორატამ მინდორი კოჭლობით, თანაგუნდელების დახმარებით დამწუხრებულმა დატოვა.
არის საშიშროება, რომ ამის გამო მორატამ ევროპის ჩემპიონატის ფინალი გამოტოვოს. ექიმების დასკვნა უახლოეს მომავალში გახდება ცნობილი.
