კრიტიკა მარცხის შემდეგ
"ყველას შეუძლია თქვას ის, რაც უნდა. ვფიქრობ, წაგების გამო საფუძვლიანად გვაკრიტიკებენ. ჩვენ ჯერაც არ ვაჩვენებთ საუკეთესო თამაშს, ამას დრო სჭირდება და უნდა მოვითმინოთ. ვფიქრობ, ორ კომპონენტში თუ განვვითარდებით, ყველაფერი დალაგდება - უნდა მოვუმატოთ ინტენსივობას შეტევის დროს და დაცვით ფაზაში ბურთი სწორად უნდა ვათამაშოთ, რაც მეტ სივრცეებს შექმნის."
შანსები ვილიარელათან
"როგორც უკვე გითხარით, წაგების გამო სწორი კრიტიკა მივიღეთ, ახლა კი ვალდებულები ვართ, რომ ჩვენი გულშემატივრის წინაშე გავიმარჯვოთ და თამაშის ხარისხი გამოვასწოროთ."
მბაპე საფრანგეთის ნაკრებს მიღმა
"არ მინდა იმაზე საუბარი, თუ ვის იძახებენ ამა თუ იმ ნაკრებში. მბაპეს ჰქონდა ტრავმა, რომელიც ჯერ არ არის 100%-ით მოშუშებული. დღეს ნორმალურად ივარჯიშა. ვიცი, რომ ჩვენი კლუბის ხელმძღვანელობა საფრანგეთის ნაკრებს ესაუბრა და ერთ აზრზე შეჯერდნენ".
პრობლემები ნახევარდაცვაში
"არ მგონია, რომ ნახევარდაცვაში მოთამაშე გვაკლია, რადგან მოდრიჩს, კამავინგას, ვალვერდეს, ბელინგემს მაღალ დონეზე თამაში შეუძლიათ... ჩუამენი ჩვენთვის დაცვითი ასპექტების დირიჟორია. მრავალფეროვნება გვაქვს და მეტი არაფერი. ჩვენ ჯერ არ გვიჩვენებია ის ხარისხი, რაც რეალურად გვაქვს, მაგრამ ეს დროც აუცილებლად მოვა."
