უეინ რუნიმ გააკრიტიკა მანჩესტერ იუნაიტედის ცნობილი გულშემატკივარი, ფრენკ ილეტი. საუბარია პიროვნებაზე, ვინც უარს ამბობდა თმის შეჭრაზე იქამდე, სანამ "წითელი ეშმაკები" ზედიზედ 5 შეხვედრას არ მოიგებდნენ. ინგლისელი ქომაგის საყვარელი კლუბის ანგარიშზე იყო 4 გამარჯვება, მაგრამ ლონდონში, ვესტ ჰემთან ნათამაშები ფრის შემდეგ, ყველაფერი განულდა.
"ქვეყნის მეორე ნახევარში გავუშვებდი. ის ნერვებს მიშლის. ჩვენ ვსაუბრობთ მან იუნაიტედსა და კერიკზე, რომლებიც ცდილობენ გამარჯვების მოპოვებას თავიანთ ზედიზედ მე-5 შეხვედრაში, ყველაფერი კი ამ ბიჭის თმის შეჭრისკენ მიდის. ჩემი აზრით, მას არც აწყობს მანჩესტერელთა მოგება.
ასეთ შემთხვევაში მას მართლაც მოუწევს ვარცხნილობის შეცვლა, რითაც ის საინტერესო აღარ იქნება. აღარავინ ისაუბრებს მის შესახებ, როდესაც "წითელი ეშმაკები" ზედიზედ 5 შეხვედრას მოიგებენ. "
