"ვერავინ წარმოვიდგენდით, რომ ბოლო სამ მატჩში მხოლოდ 1 ქულას ავიღებდით. ძალიან რთული მომენტია, თუმცა სწორი დასკვნები უნდა გამოვიტანოთ და უფრო ძლიერები დავბრუნდეთ. ეს ფეხბურთის შემადგენელი ნაწილია, უნდა დავმშვიდდეთ და მომდევნო ტურიდან ისევ დავიწყოთ ქულების დაგროვება.
პირველ ტაიმში კარგად ვითამაშეთ, თუმცა გოლი ვერ გავიტანეთ და პირიქით, მეტოქემ გახსნა ანგარიში. უდინეზე ფიზიკურად და ტაქტიკურად ძლიერი გუნდია და რთულია მათ წინააღმდეგ თამაში. სატურნირო ცხრილში მეორე ადგილზე ვართ, წინ კიდევ ბევრი თამაშია, არ უნდა მოვდუნდეთ და რაც შეიძლება მეტი ქულა დავაგროვოთ. ბოლო ტურებში გამოჩნდა, რომ ახალგაზრდა გუნდი ვართ და საჩემპიონო გამოცდილება გვაკლია" - განაცხადა იტალიელმა სპეციალისტმა.
სერია ა-ს 24 ტურის შემდეგ, იუვენტუსს 53 ქულა აქვს, მეორე ადგილზე იმყოფება და ინტერს 7 ქულით ჩამორჩება. აღსანიშნავია, რომ "ნერაძურის" 1 მატჩით ნაკლები აქვს ჩატარებული.
