პარკეტზე უმაღლესი ხარისხის კალათბურთი ვიხილეთ, სადაც გუნდებმა განსხვავებული ორი ტაიმი შემოგვთავაზეს. პირველ ორ მეოთხედში სერბეთმა ამერიკას საკმაოდ დიდი წინააღმდეგობა გაუწია — გუნდები დიდ შესვენებაზე 49-58 ანგარიშით გავიდნენ.
მესამე მეოთხედიდან მოყოლებული, კერის გუნდმა საერთოდ ყველა კომპონენტში მოახერხა უპირატესობის მოპოვება და საბოლოო ჯამში, დამსახურებული გამარჯვებაც იზეიმა. პარკეტზე საუკეთესოები კევინ დურანტი და ლებრონ ჯეიმსი იყვნენ. 35 წლის ამერიკელის ანგარიშზე 23 ქულა და 2 მოხსნა იყო, ხოლო ლეგენდამ 21 ქულა შემატა გუნდს, რასაც 7 მოხსნაც და 9 შედეგიანი პასიც დაუმატა. სერბეთის მხრიდან გამორჩეული, რა თქმა უნდა, ნიკოლა იოკიჩი იყო, რომელმაც საკუთარ გუნდს 20 ქულა, 5 მოხსნა და 8 პასი მოუპოვა.
საბოლოო ჯამში მატჩი ამერიკელთა გამარჯვებით, 84-110 დასრულდა. პეშიჩის გუნდი მომდევნო ტურში პუერტო-რიკოს დაუპირისპირდება, ხოლო ამერიკა სამხრეთ სუდანთან ითამაშებს.
