იტალიასთან დაპირისპირებაში ჩვენი ნაკრების შემადგენლობა: რატი ანდრონიკაშვილი, ლუკა მაზიაშვილი, გიორგი ოჩხიკიძე, ჯო ტომასონი, დავით კაკუშაძე, დუდა სანაძე, კახა ჯინჭარაძე, ალექსანდრე ფევაძე, ავთანდილ ბახტაძე, სანდრო მამუკელაშვილი, თორნიკე შენგელია, გიორგი კორსანტია, გოგა ბითაძე, ილია ლონდარიძე.
სამწუხაროდ, იტალიის ნაკრებმა ჩვენი გუნდი უშანსოდ, 79:68 დაამარცხა. ჩვენი მხრიდან პარკეტზე საუკეთესოები თორნიკე შენგელია (17 ქულა, 7 მოხსნა, 4 პასი) და გოგა ბითაძე (12 ქულა, 11 მოხსნა) იყვნენ.
საქართველოს ნაკრები საკვალიფიკაციო ტურნირისთვის მოსამზადებელ შეკრებას ლატვიაში გააგრძელებს, სადაც 24 ივნისს, იტალიიდან ჩავა. ქალაქ იურმალაში ჩვენი გუნდი ორ ამხანაგურ მატჩს გამართავს – 26 ივნისს კამერუნთან და 28 ივნისს ეგვიპტესთან.
