პრემიერ ლიგის მე-5 ტურის მატჩში, სადაც ერთმანეთს არსენალი და მანჩესტერ სიტი დაუპირისპირდნენ, მიკელ არტეტამ ტრავმის გამო მნიშვნელოვანი ფეხბურთელი დაკარგა.
საუბარია ნონი მადუეკეზე, რომელმაც პირველი ტაიმის შემდეგ მუხლის დაზიანების გამო თამაში ვეღარ გააგრძელა და გასახდელში დარჩა.
საბედნიეროდ გამოკვლევებმა ჯვარედინი იოგების გაწყვეტა გამორიცხა, თუმცა 23 წლის ინგლისელის ტრავმა მაინც სერიოზულია. პირველადი ინფორმაციით, ნონი მადუეკე დაახლოებით 2 თვეს გამოტოვებს, რაც არსენალისთვის საკმაოდ ცუდი ამბავია.
მიკელ არტეტას გუნდმა ახალი სეზონი კარგად დაიწყო. "მეთოფეებს" 5 ტურის შემდეგ, 10 ქულა აქვთ და პრემიერ ლიგაში მე-2 პოზიციას იკავებენ. რაც შეეხება ჩემპიონთა ლიგას, არსენალმა პირველ ტურში ბილბაოს ატლეტიკი საკმაოდ მარტივად, 2-0 დაამარცხა.
