ბარსელონაში ტრავმების ეპიდემია გრძელდება. როგორც კატალონიური კლუბის ოფიციალურ საიტზე ვკითხულობთ, გავის დაზიანება საკმაოდ მძიმე აღმოჩნდა და ახალგაზრდა ესპანელს მუხლზე ოპერაციული ჩარევა ესაჭიროება. პირველადი ინფორმაციით, 21 წლის ფეხბურთელი დაახლოებით 4-5 თვეს გამოტოვებს.
რაც შეეხება მეორე ფეხბურთელს, რომელიც ჰანსი ფლიკმა ტრავმის გამო დაკარგა — ფერმინ ლოპესმა დაზიანება ლა ლიგის ბოლო ტურში მიიღო, რის გამოც საკუთარ გუნდს დაახლოებით 3-4 კვირა ვერ დაეხმარება.
შეგახსენებთ, ტრავმები აწუხებთ ბარსელონას კიდევ 3 ფეხბურთელს, კერძოდ, მარკ-ანდრე ტერ შტეგენს, ალეხანდრო ბალდესა და ლამინ იამალს.
