ლეონარდო ბონუჩიმ დაასახელა მცველი, ვინც მისი აზრით, ბარსელონას მოუხდებოდა. ვეტერანი ფეხბურთელის თქმით, ასეთი მოთამაშე არის მილანის ინტერის უკანახაზელი, ალესანდრო ბასტონი. შეგახსენებთ, საკმაოდ მაღალია იმის ალბათობა, რომ ახალგაზრდა მცველი კატალონიაში მართლაც აღმოჩნდეს.
"ბასტონი? ის ტექნიკური მცველია, მოედნის ხედვის უნარით - სწორედ ამიტომ, ბარსელონას მოუხდება. დიახ, შესაძლოა მას შეექმნას სირთულეები კატალონიაში, რაც პირველ რიგში უკავშირდება მაღლა მოთამაშე უკანახაზსა და სივრცეების დატოვებას, მაგრამ ალესანდრო სწორედ აღნიშნული პრობლემების გადასაჭრელად არის საჭირო.
ინტერის მცველი ახალგაზრდაა, უმაღლეს დონეზე კიდევ ექვსი ან შვიდი წლის განმავლობაში შეძლებს თამაშს. იმედი მაქვს, რომ ის დაიბრუნებს იმ თავდაჯერებულობას იტალიის ეროვნულ ნაკრებში, რომლითაც მილანურ გუნდში თამაშობს", - განაცხადა ტურინის იუვენტუსის ყოფილმა უკანახაზელმა.
