"ჩემი ღამის კოშმარი საპატა იყო. მასთან შეხვედრის წინ, ღამე ვერ ვიძინებდი. მის ფიზიკურ სიძლიერასა და სისწრაფეს უბრალოდ ვერაფერს ვუხერხებდი. კარიერის მანძილზე მითამაშია მესის, რონალდუს, დროგბას, ტორესის და კიდევ ბევრი ტოპ ფორვარდის წინააღმდეგ, მაგრამ ყველაზე მეტი პრობლემა დუვანმა შემიქმნა", - განაცხადა "ბებერი ქალბატონის" ყოფილმა კაპიტანმა.
37 წლის ყოფილი ცენტრალური მცველი კოლუმბიელ თავდამსხმელს მოედანზე 14-ჯერ შეხვედრილა. ხუთი თამაში დასრულდა ფრედ, ექვსჯერ იმარჯვა "ბიანკონერის" ყოფილმა მე-19 ნომერმა, სამჯერ კი "ლა დეას" ფორვარდმა. განსაკუთრებით გამოსარჩევია 2018 წლის 16 დეკემბერს გამართული მატჩი მაქს ალეგრის გუნდსა და "შავ-ლურჯებს" შორის, რომელშიც 33 წლის ფორვარდმა დუბლი გაიფორმა.
