მათ შორის 21 მორკინალი და 16 ხაზის მოთამაშეა. შეკრებაზე რვა ისეთი მოთამაშე იქნება, რომელთაც ბორჯღალოსნების კვართი ჯერ არ მოურგიათ. ესენი არიან კვაჭი ირაკლი ქვათაძე, ბურჯი ბაჩუკი ჭუმბაძე, მეორეხაზელები თემურ წულუკიძე და დავით ლაგვილავა, ცენტრი გიორგი ხაინდრავა, ფრთები შალვა აფციაური და ამირან შვანგირაძე და ფულბეკი დაჩი პაპუნაშვილი. წულუკიძე, ლაგვილავა და ხაინდრავა ეროვნულში 20-წლამდელთა ნაკრებიდან დაწინაურდნენ.
ბორჯღალოსნების გაფართოებული შემადგენლობა 2025 წლის რაგბი ევროპის ჩემპიონატისთვის
პირველი ხაზი: ნიკა აბულაძე, ლუკა გოგინავა, გიორგი მამაიაშვილი; ვანო კარკაძე, ლუკა პეტრიაშვილი, ირაკლი ქვათაძე; ირაკლი აფციაური, ლუკა ჯაფარიძე, ბაჩუკი ჭუმბაძე;
მეორე ხაზი: მიხეილ ბაბუნაშვილი, ლადო ჩაჩანიძე, გიორგი ჯავახია, ლაშა ჯაიანი, თემურ წულუკიძე, დავით ლაგვილავა;
მესამე ხაზი: ლუკა ივანიშვილი, ბექა საღინაძე, თორნიკე ჯალაღონია, გიორგი ცუცქირიძე, ილია სპანდერაშვილი, ბექა შვანგირაძე;
ღერძი: ვასილ ლობჟანიძე, გელა აფრასიძე, მიხეილ ალანია; ლუკა მატკავა, თედო აბჟანდაძე;
ცენტრი: გიორგი შველიძე, გიორგი კვესელაძე, დემურ თაფლაძე, თორნიკე კახოიძე, გიორგი ხაინდრავა;
ფრთა: სანდრო თოდუა, შალვა აფციაური, აკაკი ტაბუცაძე, ამირან შვანგირაძე;
ფულბეკი: დავით ნინიაშვილი, დაჩი პაპუნაშვილი.
პირველი ხაზი: ნიკა აბულაძე, ლუკა გოგინავა, გიორგი მამაიაშვილი; ვანო კარკაძე, ლუკა პეტრიაშვილი, ირაკლი ქვათაძე; ირაკლი აფციაური, ლუკა ჯაფარიძე, ბაჩუკი ჭუმბაძე;
მეორე ხაზი: მიხეილ ბაბუნაშვილი, ლადო ჩაჩანიძე, გიორგი ჯავახია, ლაშა ჯაიანი, თემურ წულუკიძე, დავით ლაგვილავა;
მესამე ხაზი: ლუკა ივანიშვილი, ბექა საღინაძე, თორნიკე ჯალაღონია, გიორგი ცუცქირიძე, ილია სპანდერაშვილი, ბექა შვანგირაძე;
ღერძი: ვასილ ლობჟანიძე, გელა აფრასიძე, მიხეილ ალანია; ლუკა მატკავა, თედო აბჟანდაძე;
ცენტრი: გიორგი შველიძე, გიორგი კვესელაძე, დემურ თაფლაძე, თორნიკე კახოიძე, გიორგი ხაინდრავა;
ფრთა: სანდრო თოდუა, შალვა აფციაური, აკაკი ტაბუცაძე, ამირან შვანგირაძე;
ფულბეკი: დავით ნინიაშვილი, დაჩი პაპუნაშვილი.
საქართველოს ეროვნული ნაკრები თებერვლის პირველ სამ კვირაში რაგბი ევროპის ჩემპიონატის ჯგუფური ეტაპის შეხვედრებს გამართავენ.
ბორჯღალოსნები A ჯგუფში მოხვდნენ, სადაც ტურნირის დებიუტანტ შვეიცარიას, ნიდერლანდებსა და ესპანეთს დაუპირისპირდებიან. საქართველოს მორაგბეთა ნაკრები, 2025 წლის რაგბი ევროპის პირველ მატჩს, პირველ თებერვალს, ავჭალის სარგბო სტადიონზე შვეიცარიის წინააღმდეგ გამართავს, 8 თებერვალს ასევე “ავჭალაზე” ნიდერლანდებს ვუმასპინძლებთ, ჯგუფურ ეტაპის ბოლო მატჩს კი ბორჯღალოსნები 16 თებერვალს, ესპანეთთან სტუმრად გამართავენ.
B ჯგუფში პორტუგალია, რუმინეთი, ბელგია და გერმანია იასპარეზებენ. ჯგუფური ეტაპის დასრულების შემდეგ, პირველ-მეორე ადგილოსნები თასის ნახევარფინალში გავლენ, ქვედა ოთხი გუნდი კი მე-5-მე-8 ადგილებისთვის გააგრძელებს ბრძოლას. ნახევარფინალური ეტაპის თამაშები 1-2 მარტსაა ჩანიშნული, ოთხი ფინალი (ყველა ადგილისთვის) კი 15-16 მარტს გაიმართება.
2025 წლის რაგბი ევროპის ჩემპიონატი ამავდროულად 2027 წლის მსოფლიო თასის შესარჩევი ტურნირიცაა. ავსტრალიაში გასამართ მსოფლიო თასზე 20-ის ნაცვლად 24 გუნდი მიიღებს მონაწილეობას. შედეგად, რაგბი ევროპის ჩემპიონატიდან მომავალი მსოფლიო თასის კვალიფიკაციას ოთხი გუნდი გაივლის (თასის ნახევარფინალში გასული გუნდები), მეხუთე კი რეპეშაჟში ჩაერთვება (აქამდე პირდაპირ საგზურს 2 გუნდი იღებდა და მესამე რეპეშაჟში ერთვებოდა).
მსოფლიო რაგბთან კონსულტაციების შედეგად, მსოფლიო თასის შესარჩევი ეტაპი ორის ნაცვლად ერთ წრედ ჩატარდება და 2025 წლის მარტში დასრულდება. უცვლელი რჩება რაგბი ევროპის ჩემპიონატის ასვლა/დაქვეითების სისტემა და ბოლოადგილოსანი, რომელიც ალაფაზე დაქვეითდება, ორი წლის (2025-2026) ჯამით გაირკვევა.
2027 წლის მსოფლიო თასის საგზური უკვე მოიპოვა იმ 12-მა გუნდმა, რომლებმაც 2023 წლის მსოფლიო თასის ჯგუფურ ეტაპზე პირველი სამი ადგილი დაიკავეს. დანარჩენ 12 საგზურს მიიღებენ: 2025 წლის რაგბი ევროპის ჩემპიონატის 4 საუკეთესო გუნდი; თითო-თითოს 2025 წლის აფრიკის, აზიისა და სამხრეთ ამერიკის ჩემპიონატების გამარჯვებულები; 2025 წლის წყნარი ოკეანის თასის 3 საუკეთესო გუნდი (ფიჯისა და იაპონიის გარდა, რომლებმაც უკვე გაიარეს კვალიფიკაცია); სამხრეთ ამერიკისა და წყნარი ოკეანის ფლეი ოფის გამარჯვებული; რეპეშაჟის გამარჯვებული.
შეგახსენებთ, რაგბი ევროპის ჩემპიონატი ყველაზე ბევრჯერ - 16-ჯერ საქართველოს აქვს მოგებული, აქედან ბოლო 7 მიყოლებით (2018-2024 წლები). რუმინეთმა ტურნირი 5-ჯერ, ხოლო პორტუგალიამ ერთხელ მოიგო.
ბორჟღალოსნები წლის პირველ თამაშს პირველ თებერვალს თბილისში, “ავჭალაზე” რაგბი ევროპის ჩემპიონატის დებიუტანტი შვეიცარიასთან აგამრთავენ. მატჩი 16:00 საათზე დაიწყება.
ფოტო: საქართველოს რაგბის კავშირი - ირაკლი ტყემალაძე
