გავლენიანი ფრანგული გამოცემები საინტერესო ინფორმაციას ავრცელებენ — ზაფხულის სატრანსფერო ფანჯრის დროს ილია ზაბარნიმ შესაძლოა პარი სენ-ჟერმენი დატოვოს! როგორც ცნობილი ხდება, ლუის ენრიკე 23 წლის ფეხბურთელის პერფორმანსით დიდად კმაყოფილი არაა, რის ფონზეც საკმაოდ დიდი შანსია 23 წლის უკრაინელმა მცველმა ახალი სეზონი, ახალ გუნდში დაიწყოს.
შეგახსენებთ, პარი სენ-ჟერმენმა ილია ზაბარნი 2025 წლის ზაფხულში ბორნმუთიდან შეიძინა. მხარეებს შორის არც მეტი, არც ნაკლები €65 მილიონიანი გარიგება შედგა, ფრანგულმა პრესამ კი ამ ტრანსფერს ჩავარდნილი უწოდა. უკრაინელი ფეხბურთელი სეზონის სტარტზე საკმაოდ დიდ სათამაშო დროს იღებდა, თუმცა ახლა სიტუაცია რადიკალურად შეცვლილია და 23 წლის მოთამაშე როტაციის წევრად იქცა.
ილია ზაბარნიმ ამ სეზონში 31 მატჩში მიიღო მონაწილეობა, თავი კი 1 გატანილი გოლით გამოიჩინა. ზაფხულის სატრანსფერო ფანჯრის მოახლოებასთან ერთად, უკრაინელი მცველის თაობაზე უფრო მეტი ინფორმაცია გახდება ცნობილი.
