ჩელსის ფეხბურთელი დოპინგ ტესტზე ჩავარდა

უკრაინული სპორტული მედია საკმაოდ სკანდალურ ინფორმაციას ავრცელებს — როგორც Tribuna.com იუწყება, უკრაინის ეროვნული ნაკრებისა და ჩელსის ფეხბურთელი მიხაილო მუდრიკი დოპინგ ტესტზე ჩავარდა! უკრაინული გამოცემის მიხედვით, ოქტომბრის ბოლოს მუდრიკმა დოპინგზე დადებითი ტესტი ჩააბარა, საიდანაც ჯერჯერობით მხოლოდ A სინჯია შემოწმებული. შემდეგი ეტაპი B სინჯის შემოწმებაა და აქაც თუ დადებითი პასუხი იქნება, 23 წლის ფეხბურთელს ხანგრძლივი დისკვალიფიკაცია ელოდება. ამ მომენტისთვის უცნობია, რომელ აკრძალულ პრეპარატზეა ლაპარაკი.