LaGazzetta.ge-ს ინფორმაციით, 25 წლის შემტევი ლუკა სილაგაძე კარიერას იბერიაში გააგრძელებს. სილაგაძე ამ გუნდში 2023 წელსაც თამაშობდა და 10 გოლი გაიტანა.
გასულ სეზონში ის რიგასის რიგებში გამოდიოდა, სადაც გუნდთან ერთად ჩემპიონი გახდა და ლატვიის თასიც მოიგო.
იბერია ახალი სეზონისთვის მოსამზადებელი ეტაპის ფარგლებში 20 იანვრიდან შეკრებას თურქეთში გაივლის, სადაც რამდენიმე ამხანაგურ მატჩსაც გამართავს.
გუნდმა ძირითადი ბირთვი შეინარჩუნა და ფაქტობრივად, ყველა ლიდერი დაიტოვა - გიორგი ჯგერენაია, თორნიკე ახვლედიანი, გიორგი მაკარიძე. ერთადერთი, იბერიამ კონტრაქტი გიორგი კოხრეიძეს არ გაუხანგრძლივა, ჩვენი ინფორმაციით ის კარიერას ტორპედოში გააგრძელებს.
