ტურინში იუვენტუსმა პსვ-ს უმასპიძლა, სადაც ტიაგო მოტას გუნდმა მეტოქე უშანსოდ, 3:1 დაამარცხა. შეხვედრაში ანგარიში საკმაოდ მალე გაიხსნა - თავი კენან ილდიზმა გამოიჩინა. ახალგაზრდა თურქმა შემტევმა ულამაზესი დარტყმით საკუთარი გუნდი წინ გაიყვანა. მოტას გუნდმა გატანილი გოლის შემდეგ უპირატესობა თავიდან ბოლომდე გადაიბარა და მეტოქეს მეორე გოლიც მალევე გაუტანა. თავი ამჯერად ვესტონ მაკკენიმ გამოიჩინა.
მეორე ტაიმის სტარტზე, იუვემ შეტევები გააძლიერა, რასაც 52-ე წუთზე კიდევ ერთი გატანილი გოლი მოჰყვა. თავი ამჯერად ნიკო გონსალესმა გამოიჩინა, საგოლე გადაცემა კი დუშან ვლაჰოვიჩმა შეასრულა. სტუმარმა გუნდმა მატჩის მიწურულს ერთი გოლის გატანა მოახერხა - გოლის ავტორი ისმაელ საიბარი გახდა. იტალიური გრანდი ჩემპიონთა ლიგის ახალ სეზონს დამაჯერებლად იწყებს.
მეორე ადრეული მატჩი გაიმართა შვეიცარიაში, სადაც იანგ ბოიზმა სახლში ასტონ ვილას უმასპინძლა და 0:3 დამარცხდა. უნაი ემერის გუნდმა შეხვედრა საკმაოდ მძიმედ დაიწყო, თუმცა ინგლისელებმა უპირატესობა მალევე მოიპოვეს, რაც სამ გატანილ გოლში აისახა.
თავი ჯერ იური ტილემანსმა გამოიჩინა, შემდეგ კი ორ ბურთამდე საკუთარი გუნდის უპირატესობა ჯეიკობ რემზიმ გაზარდა. მასპინძელი გუნდი ერთი ბურთის გაქვითვას ბოლომდე ცდილობდა, მაგრამ ემერის გუნდმა იანგ ბოიზი კონტრშეტევაზე გამოიჭირა, რასაც ამადუ ონანას გოლი მოჰყვა. 40 წლიანი პაუზის შემდეგ, ბირმინგემელები ჩემპიონთა ლიგაზე კარგად დაბრუნდნენ!
