ტურნირზე სადებიუტო მატჩი ჩაატარა ბოლონიამ, რომელმა საკუთარ მოედანზე დონეცკის შახტარი მიიღო — მატჩი უგოლოდ, 0-0 დასრულდა.
აღსანიშნავია, რომ შეხვედრის დებიუტში, მე-4 წუთზე სტუმრებს ანგარიშის გახსნის რეალური შანსი ჰქონდა, თუმცა, სუდაკოვმა თერთმეტმეტრიანი ვერ გამოიყება. საბოლოოდ, მატჩი ორმხრივ შეტევებში წარიმართა, თუმცა, გუნდებმა გოლი ვერ გაიტანეს და თითო ქულა ჩაიწერეს აქტივში. სათადარიგოთა სკამზე იყო შახტარის ქართველი ფეხბურთელი, ირაკლი აზაროვი, რომელმაც დღევანდელ შეხვედრაში მონაწილეობა მწვრთნელის გადაწყვეტილებით ვერ მიიღო.
შახტარი მომდევნო ტურში ატალანტას დაუპირისპირდება, ხოლო ბოლონია ინგლისში ჩავა და ლივერპულს შეხვდება.
სამი გოლი გავიდა ჩეხეთში გამართულ მატჩში, სადაც პრაღის სპარტმა საკუთარ მოედანზე ზალცბურგს უმასპინძლა და მეტოქე მარტივად, 3-0 დაამარცხა.
აღნიშნულ შეხვედრაში გოლები კარინენმა, ოლატუნჯიმ და ლაციმ გაიტანეს. მომდევნო ტურში სპარტა შტუტგარტს ესტუმრება, ხოლო ზალცბურგი საკუთარ კედლებში ბრესტს მიიღებს და პირველი ქულების მოპოვებას შეეცდება.
