საქართველოს 23 წლამდე მოჭიდავეთა ნაკრებმა საერთაშორისო ტურნირზე 13 მედალი მოიპოვა. საერთაშორისო ტურნირი - „ვალამარის თასი“ ხორვატიის ქალაქ პორეცში გაიმართა.
შეჯიბრებაზე საქართველოს ბერძნულ-რომაული სტილით მოჭიდავე 23-წლამდელთა ნაკრებმა 5 ოქრო, 5 ვერცხლი, 3 ბრინჯაო მოიპოვა და გუნდური პირველი ადგილი დაიკავა.
ჩემპიონები გიორგი კოჩალიძე (55 კგ), დიმიტრი ხაჩიძე (63 კგ), ნიკა ბროლაძე (72 კგ), დათა ჩხაიძე (82 კგ) და აჩიკო ბოლქვაძე (97 კგ) გახდნენ. ვიცე-ჩემპიონობა კობა ქარუმიძემ (55 კგ), რომეო ბერიძემ (67 კგ), ანრი თავართქილაძემ (72 კგ), თორნიკე მიქელაძემ (82 კგ) და საბა ჩილაშვილმა (130 კგ) იზეიმეს. ბრინჯაოს პრიზიორები კი ანრი ხოზრევანიძე (72 კგ), თემურ ორჯონიკიძე (77 კგ) და ლუკა გაბისონია (130 კგ) გახდნენ.
