როგორც მოგეხსენებათ, UFC-ის 304-ე ღონისძიებაზე გიგა ჭიკაძე არნოლდ ალენს დაუპირისპირდება. ეს იქნება მისი პირველი ბრძოლა გასული წლის აგვისტოს შემდეგ. ქართველმა მებრძოლმა თავისი მეტოქის შესახებ MMA Junkie Radio-ში შემდეგი განაცხადა:
"ეჭვგარეშეა, რომ ალენი ძლიერი მოწინააღმდეგეა. ბოლო ბრძოლაში მოპოვებული გამარჯვების შემდეგ, ასეთ მეტოქესთან დაპირისპირების საშუალება მივიღე და მასთან მოგებას განვიხილავ, როგორც ტიტულის პრეტენდენტობისკენ ნაბიჯის გადადგმას. არნოლდისთვის მნიშვნელოვანი იქნება ამჟამინდელი პოზიციის შენარჩუნება.
ახლა ინგლისელი მებრძოლი მეხუთე თუ მეექვსე ადგილზეა. მიზნები განსხვავებულია. მე UFC-ში რვა გამარჯვება და მხოლოდ ერთი მარცხი მაქვს. ბოლო დაპირისპირება მოვიგე და კიდევ ერთი წარმატება დამაბრუნებს იმ ადგილზე, რომელსაც ვიმსახურებ. ბრიტანელი განსხვავებული სტილის მებრძოლია. არის მრავალმხრივი და ყველაფერი აქვს, რაც საჭიროა.
ალენი კარგია დგომში და პარტერშიც. მე კი მჯერა, რომ კვლავაც საუკეთესო სტრაიკერი ვარ და ვიცი ისიც, თუ რისი დახვეწა მჭირდება ამ ბრძოლის წინ", - განაცხადა "ნინძამ".
