"საქართველოს ძიუდოს ძლიერი სკოლა აქვს, დღეს დიდებული დღე იყო, შესანიშნავი დაპირისპირება ჩავატარეთ. გურამი დიდებული მოწინააღმდეგეა, მე მას დიდი ხანია ვიცნობ, იმედია, მომავალში ყველაფერი კარგად იქნება, ჩვენ შორის არანაირი დაძაბულობა არ არის," - განაცხადა ტედი რინერმა.
შეგახსენებთ, მას შემდეგ რაც რინერმა გამარჯვება მოიპოვა ტატამიდან ადგომამდე აღნიშნა, რაც თუშიშვილისთვის არასასიამოვნო ჟესტი იყო, რაზეც ქართველს რეაქცია ჰქონდა. ამის გამო გურამ თუშიშვილი ოლიმპიური თამაშებიდან ჩახსნეს, როგორც ინდივიდუალური, ასევე გუნდური ასპარეზობიდან, ხვალ მას ილია სულამანიძე შეცვლის.
