პრემიერ ლიგის მე-4 ტურის გახსნითი მატჩი ლონდონში გაიმართა, სადაც მაყურებელმა არსენალისა და ნოტინგემ ფორესტის დაპირისპირება იხილა. ემირეითსზე გამართულ შეხვედრაში მასპინძლებმა მეტოქეს არაფერი დაუთმეს და დაგეგმილი გამარჯვებაც მოიპოვეს.
არსენალიდან გოლების გატანა ვიქტორ გიოკერეშმა და მარტინ ზუბიმენდიმ მოახერხეს. ამ უკანასკნელმა მეტოქეს დუბლი შეუსრულა.
მიკელ არტეტას გუნდმა ამ გამარჯვების შემდეგ 9 ქულას მოუყარა თავი და დროებით პირველ ადგილზე გადაინაცვლა.
არსენალი 3-0 ნოტინგემ ფორესტი
გოლები: 1-0 მარტინ ზუბიმენდი 32', 2-0 ვიქტორ გიოკერეში 46', 3-0 მარტინ ზუბიმენდი 79'.
მატჩის მიმოხილვა
